Joegn sun sèva de usc del mond…

Data

18 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Vèlel de più l’esperienza o la gaissa de emparèr de la joeneza? Che pèrt jiei i ‘gregn’? Tras la ousc di joegn de l’»@gorà« proon a fèr fora chesta costion
Te noscia pruma scontrèda aane rejonà de la libertà de esprescion sui social e te la seconda de coche per salvèr l pianet na soluzion podessa esser l smendrament de la procreazion. Argomenc fora de anter che à soscedà desferenta reflescions, ma soraldut confront. Se rejonèr e se scutèr stèsc a la basa de na sozietà ajache demò coscita se pel creèr na rei de pensier. Se scutèr vel dir cognoscer n auter pont de veduda: chest no vel dir però cogner esser a una con chel che vegn dit, ma scutan se pel dir de crescer zenza l saer. E proprio a chesta vida sconeta vegn creà chesta rei de pensier. Ogne persona porta na sia particolarità che va dapò a se encrojèr con duc chi fii de pensier che à chesta rei. L confront stèsc donca a la basa de na sozietà sèna e viva: la cossa più emportanta donca no l’é la informazions che se se scambia, ma chest scambie che te la persona fèsc nascer la capazità de scutèr l ‘desvalif’.

Chesta l’é demò una de la rejons per cheles che l’é stat endrezà l’»@gora«. Più che vint joegn de Fascia, e no demò, i se à metù ensema su n grop WhatsApp per descorer ensema vigni meis en cont de n tem de atualità.

»Esser joegn no vel dir stèr te sala da spet«: en ocajion de la giornèda mondièla de la joentù del 2019 Papa Francesch à dezidù de durèr chesta paroles per se oujer a la touses e ai tousc de dut l mond per ge fèr entener che no i cogn spetèr l’aprijiament di gregn per se fèr inant e crescer.
L’é stat uzà fora l’emportanza de esser didé, ajache aldidanché somea dassen engrà esser bogn de crescer zenza esperienza e nesciuna racomanazion vindò. Valgugn enveze à sotrissà l besegn no de na spenta, ma de n sostegn: a na persona che se dèsc la mans dintorn no ge serf zachei che ge fae strèda tedant, ma zachei dedò che la deide a no se rebaltèr. N joen che vel crescer l’aprijiarà ben de più zeche che l’é bon de arjonjer de gra a sia competenzes e no demò tras l lurier di etres.

Podede troèr l'articol entriech su La Usc 45 di 13 de november  (Nicoletta Riz)