La Usc di Ladins

L svilup de la Marmolèda e sie davegnir l’é n argoment che bendeché vegn trat cà. Te chest ultim temp se sent rejonèr endodanef ence del nef impiant portamont che vegnarà fat al post de chel con i ces
che é stat desmetù ai 15 de setember de l’an passà, per via che no l’aessa più ciapà na neva conzescion. Se tratèa de n impiant fat sù del 1974 dal pionier di impianc portamont Nino Graffer. Del 2018 i frèdes Mahlknecht da Ortijei ge à comprà jù l’impiant a Graffer con chela de n fèr sù un nef. La setemèna passèda su La Usc di Ladins aon dat cont de la petizion de firmes toutes sù dal gestor del refuge Pian di Fiacons Guido Trevisan e dal president de Mountain Wilderness Franco Tessadri che domana che i neves conzescionères che à comprà l veie impiant vegne oblighé a tor demez e desgorjer duc i res
veiores tel temp mender possìbol e che vegne metù n vincol che permet la realisazion de neves impianc demò dò che l’é stat portà demez duta la veia feracia e peton resté dai impianc veies per neteèr patoch la Marmolèda da chi orores.
Sun chest à responet i frèdes Mahlknecht da Ortijei, patrons de l’impiant.

L'intervista entrìa su La Usc 46 di 13 de november  (Monica Cigolla)