32 dents, 32 messajes d’amor

Data

11 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L nef liber de la fascènes Irene Deflorian, Alberta Rossi e Mery Pederiva vegn prejentà online ai 12 de november
Anchecondì se rejona n muie de la desvalives pèrts del corp desche portadores de messajes da la dimenscion più fona de la ment. Sessaben che ence i dents vegne conscidré de emportanza fondamentèla tel chèder de chisc studies: i dents, a seconda de la scienzes, i conserva la memoria di events de noscia vita e ence la emozions che aon proà. Estra che ne dèr l met de magnèr e de grignèr ensoma, i ne rejona ence con messajes che i pel vegnir da la forma o ence da vèlch dolor che se proa te bocia.

Chisc studies e chesta disciplines à fat nascer ence na letradura, che enstadì se à amò n’outa smaorà de gra a la neva opera »32 messaggi d’amore. La storia della nostra vita attraverso i denti«, nasciuda de gra al lurier de trei femenes fascènes: Irene Deflorian da Vich, ensegnanta e studiousa de Disciplines Energetiches Orientèles e Kinesiologh-Naturopata, Alberta Rossi de Soraga, scritora de libres per bec e tousc ence per fascian e Mery Pederiva de Soraga, educatora profescionèla per bec con dificoltà, che à dat forma a la ilustrazions.

»Nosc grignot, noscia esprescion, nosce parole, nosce ‘impronte’ moscia al mond chi che sion dalbon. La forma di dents, sie color, sia forza, sia deboleza, sia mencianza, sie dolor rejona de nos – se lec te l’introduzion de Irene Deflorian – l test kinesiologich ne à didà a troar le informazion ite te nosc DNA e traslatà te parole i messajes che l corp ne à fat aer tras n lengaz quantich de one e frequenze. Ogne dent à rejonà de noscia unizità – se lec amò – de nosc esser leé al dut, ma soraldut l ne à recordà che vigniun de nos à na miscion te la vita che ge dèsc lum a sé enstes e tel medemo temp a duta l’umanità«.

L liber vegn prejentà online ai 12 de november da les 20.30 te na videoconferenza con la giornalista Elisa Salvi. 

Se pel tor pèrt su la piataforma GoToMeeting: https://global.gotomeeting.con/install/90627125

L liber é da poder troèr te tabachin a Soraga e te libreria de Pardac.  (Daniele Verra)