30 egn de la sociazion Parkinson

Data

12 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é stat endrezà na lingia de encontres online per sensibilisèr e informèr la jent sui desvalives aspec de la malatìa. Duc pel tor se coleèr dal sit internet
30 egn de fondazion de la sociazion Parkinson de Trent. N cedean emportant che, enceben la situazion senestra che sion dò a passèr fora, l consei diretif à volù festejèr con gran gaissa e l’à programà na lingia de scomenzadives de sensibilisazion e informazion, outes a la istituzions e a duta la popolazion. L fil condutor che compagna i desvalives encontres l’é l contèr la vita reèla, che portarà a vardèr con eies neves la persones con la malatìa del Parkinson e a smaorèr la cognoscenza del lurier che cogn se tor sù la families canche les à te cèsa na persona malèda.

Dai 6 enscin ai 15 de november l’é stat endrezà na lingia de encontres e debatic che é da poder veder online sul sit www.parkinson-trento.it, duc pel tor pèrt bèsta se coleèr al sit internet.

En vender ai 13 de november da les 17.00 a les 18.00 l’é n enconter su »l’esperienza del corp te la malatìa, na chief de letura filosofica« rencurà da Federico Zilio.

De enteress l’é l’enconter publich de en domenia ai 15 de november da les 16.00 a les 17.30 sul »model de cura integrativa«. Tol pèrt Andreanna Bayr la presidenta de la Sociazion Parkinson de Trent, Maria Chiara Malaguti neurologa, Lorenza Peretti dietista che rejonarà del Parkinson e l’alimentazion, Anita Daves fisioterapista e Carlo Berti infermier te la cèses che se cruzia di malé de Parkinson. Modera Claudio Boninsegna neurologh e enrescidor al Zenter CIMeC de l’Università de Trent. La sociazion à endrezà ence na mostra de fotografìes che purampò per via de la desposizions anti Covid à cognù vegnir sburlèda.   (Monica Cigolla)