Educhèr al digitèl

Data

16 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En mercol ai 18 de november da les 17.30 vegn endrezà n laboratorie pratich en streaming per cognoscer miec la ultima tecnologìes
La families e i genitores no i é semper en consaputa de la ultima neves tecnologiches che revèrda i social network e internet, descheche l’é enveze i bec o, se i é agiorné, i sotvalutea l besegn de ge ensegnèr ai fies a durèr chisc strumenc a na vida adatèda, acioche no i vae encontra ai risesc coleé a sia doura. Per chest tel chèder del projet »Fuoricentro: coltiviamo le periferie«, che tol ite ence i Servijes Sozio Assistenzièi del Comun general de Fascia, l’é stat endrezà la scomenzadiva »Educhèr al digitèl« che vegn metuda a jir su piataforma en streaming en mercol ai 18 de november da les 17.30.

Se trata de n laboratorie pratich per cognoscer miec l mond del web, di social e per didèr fora i genitores e i fies a se n capir fora miec de la tecnologìes, che les vegnarà metudes dant desche na oportunità e no demò desche n element de pericol.

Per maor informazions se pel manèr na mail a mattia.mascher@articoimpresasociale.it opura n messaje Whatsapp sul numer 345 0948650.

Per se enscinuèr ge vel se scriver ite sun chest link: http://bit.ly/32Lf3v4. Dò che se se à scrit ite se ciaparà l link per tor pèrt al laboratorie en mercol ai 18 de november da les 17.00. La scomenzadiva é debant e pel tor pèrt duc chenc, soraldut genitores, ensegnanc e educatores.