I dac de la violenza contra la femenes

Data

24 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Provinzia de Trent prejenta anché, mèrtesc ai 24 de november, te na conferenza stampa i dac e la azions sul teritorie.
En mercol ai 25 de november l’é la giornèda internazionèla contra la violenza su la femenes. Chest an no sarà possibol endrezèr evenc e manifestazions ma l’é emportant che chesta data vegne recordèda per sensibilisèr la jent sun n argoment n muie delicat e per ge sporjer sostegn e aiut concret a duta la femenes vitimes de violenza. 

Ence la Provinzia de Trent à tout pèrt al projet nazionèl »Banca checena« endrezà dal moviment di Stac generèi de la femenes. La scomenzadiva nasciuda del 2014 da l’artista Karim Cherif en colaborazion con la Sociazion Acmos e l Comun de Torin, vel tor ite duc i enc a na vida che i mete fora sun sie teritorie o te sia senta na banca checena, desche simbol nazionèl e internazionèl per sensibilisèr sul fenomen de la violenza contra la femenes. A la metà del meis de november la Jonta de la Provinzia de Trent, su proponeta de l’assessora a la sanità e politiches sozièles Stefania Segnana, à dezidù de tor pèrt al projet nazionèl tolan ite, desche pèrt ativa, ence i comuns. Su la pistes per la rodes e olache se va a pe de dut l Trentin vegnarà donca depent de checen vèlch banca o metù de neves. Te Fascia se troa jà te vèlch Comun na banca checena endrezèda belapontin per sensibilisèr la comunanza.

La Provinzia de Trent endreza anché, en vea de la giornèda internazionèla, na conferenza stampa per prejentèr i dac che revèrda la violenza de genere tel Trentin che vegn publiché su la revista anuèla de gra a la colaborazion anter la istituzions e la Forzes de l’orden coordenèda da l’Osservatorie provinzièl su la violenza. Se pel tor pèrt a la conferenza stampa diretamenter da la piata Facebook de la Provinzia de Trent, da les 14.15. Vegn prejentà ence la azions che a Provinzia de Trent porta dant te chest contest.   (Monica Cigolla)