En ocajion de la giornèda internazionèla per l’eliminazion de la violenza contra la femenes Ilaria Chiocchetti de la sociazion »La Voce delle Donne«, col didament de Romana Canal e de l’artista Lara Steffe e en colaborazion con la Aministrazions de val l’à enjignà te ogne paìsc na banca fornida sù.
Tedant ogne banca l’é stat pojà dotrei pé de ciuzé da femena encolorii de checen, l color che simbolisea l sanch e l’amor che se muda en violenza. Apede a chest l’è na sciarpa e l numer de telefon 348/0035423 a la leta de la femenes che se troa en dificoltà. Respon na persona che é stata formèda aposta per scutèr chi che domana aiut e che podarà meter en contat che che à de besegn con i profescionisć che pel didèr.
"Te Fascia la situazion la é più grieva che chel che se cré. L'é amò tant da cogner far, che fasc poura. Le femene le à amò massa tema a denunziar. La soluzion a chest problem la é amò n muie dalonc. Chele che subesc violenza le vegn amò colpevolisade da le istituzion, dai media e ence dai tribunai" ne à dit Ilaria Chiocchetti.
Rejonèr de violenza contra la femenes te noscia picola realtà somea beleche na forzadura: ge vel pissèr aboncont che ence te noscia Val, enceben che la sie picola, l’é de besegn de chesta sort de sostegn, ajache, ence se la é picola, ence te noscia Val l’é families olache se vif chesta situazion.
(Nicoletta Riz)
Fascia adum per la femenes
Te ogne Comun de Val l’é stat enjignà n pont de sensibilisazion
Galaria retrac
View the embedded image gallery online at:
https://www.lausc.it/valedes-ladines/fascia/14054-fascia-adum-per-la-femenes#sigProIdca3b0ff349
https://www.lausc.it/valedes-ladines/fascia/14054-fascia-adum-per-la-femenes#sigProIdca3b0ff349