Per talian la vegn chiamèda »scuola parentale«, per ingleis »home schooling«, donca per ladin se podessa ge dir »scola te cèsa«. Ampò, a despet de chel che podessa fèr pissèr l’inom, no vel dir per forza che cogne esser i genitores a ge fèr da ensegnanc a si fies, te sia majon.
La lege talièna perveit che duc i bec à l derit e l doer de arjonjer l livel de formazion e istruzion secondèra e i genitores, o chi che à sie ruol, i cogn arsegurèr l respet de chest tant. Per chest i pel se emprevaler de la scola publica, de scoles privates, ma ence fèr enstesc o se lascèr sun zachei che desmostre de aer la competenzes e l met per poder l fèr, a pat che i enforme la scola publica più vejina del percors che vegn fat e che i studenc verifichee dapò i resultac arjonc travers i ejames pervedui.
De più su La Usc 47 di 27 de november
(Lucia Gross)