L’é jit inant per beleche trei ores l Consei de Comun de Moena chiamà ite en videoconferenza en mèrtesc ai 24 de november e no l’é stat l met de tor dant duc i ponc a l’orden del dì. Per chest, dò se aer empontà per passa n’ora sun n aspet prozedural per la nomina di raprejentanc de Comun tel Consei del Comun General de Fascia e no esser rué a una, l’ombolt Alberto Kostner à proponet de lascèr sù e jir inant l dì dò, en mercol ai 25.
Al prum pont a l’orden del dì l’era la comunicazions de l’ombolt e chiò l’à far a saer che l Comun à dat jù l’inom de Davide Moser desche raprejentant per l Consei de l’Apt de Fascia, duc chenc i 15 conseieres prejenc é stac a una.
De più su La Usc 47 di 27 de november
(Monica Cigolla)