Na bela spazierada fora per le strade e i troes dintornvia mie paìsc nadalin, me conforta, me chiama pensieres del passà, de mia joentù, de coche l’era mie paìsc dut chiet ma pien de vita. Da bec se jìa a scola, se se jiaa, se se dajea n ciaval o auter, dò se sà ben aer didà dò ti fac de ciasa, coche se podea, aldò del besegn.
Invern 2021, pien de neif desche chi invergn de mi recorc. E me fae na rodolada dintorn Soraga, sui troes enlongia Veisc, dut l’é mudà… ma l’é mudà soraldut l comportament de la jent… e de l’amich che ge fasc compagnìa.
Ma i patrogn i à l doer de respetar i regolamenc e l’autorità, donca l Comun, de far respetar soe ordenanze. Rejone de l’ordenanza datada 2006 che stabelesc le regole che à da tegnir i patrons di cians. Sun or de strada, su la neif spalada fora, no se fasc varech che no sie valch che no dojessa esser… miec no jir ite tel detai…
E che intenzion àl l Comun de far respetar cheste regole?
De più sun La Usc 05 di 05 de firé
(Fernando Brunel de la Riza)
