La Usc di Ladins

Se l’epidemia, l gran mèl che soperchia la jent, da cà n an l’à inom Covid, l malac che soperchia la piantes (epifitia tel lengaz scientifich) da la fin del 2018 l’à inom Vaia. Nosc bosch defat cogn amò fèr i conts con chel tormen stat acà passa 2 egn e te la sescions forestales states enstadì te duc i Comuns de Fascia l numer de piantes crodèdes, l legnam recuperà e la situazion di troes per poder fenir l lurier de sistemazion l’é stat amò temes zentrèi.

Ensema al diretor del Distret Forestal de Ciavaleis Bruno Crosignani te ogne sentèda l’era prejent ence l comissarie forestal Giorgio Messina, l’Ispetor Maurizio Poli e i Forestai enciarié di desvalives Comuns o Frazions.

De più sun La Usc 05 di 5 de firé  (LG/MCI)