La Usc di Ladins

L Pian di joegn de Fascia La Risola à avert l bando 2021 per finanzièr projec e ativitèdes outes ai joegn dai 11 ai 35 egn, endrezé da sociazions o gropes con personalità giuridica. L Pian joegn l’é n strument endrezà ti teritories da la politiches provinzièles per i joegn per creèr projec inovatives e ocajions de percorsc e esperienzes per la neva generazions.

Per portèr dant la proponeta de n projet ge vel compilèr la scheda se pel troèr a chest link: https://forms.gle/G21X52frfEpFw8vn7 o contatèr l Pian travers la mail pianogiovani.larisola.fassa@gmail.com. Se pel ence se oujer a la referenta de endrez Stefania Povolo al 340 8345228 (ence Whatsapp) o al referent istituzionèl Amedeo Valentini al 333 5883947. Ge volarà dapò enjignèr la scheda de prejentazion di projec da manèr a la direzion dant che vae fora i 27 de firé.
Pel portèr dant sia proponetes sociazions, copratives e enc no lucratives con utilità sozièla o gropes de joegn o gregn che pel se meter adum ence aposta, ampò i cogn aer na sociazion o n soget con personalità giuridica de referiment.

De più sun i obietives sun La Usc 07 de vender ai 19 de firé