La Usc di Ladins

Sènt’Ugèna, patrona de Fascia, prea per nos. La é stata preèda con gran devozion l’aisciuda passèda canche l’é crepà fora la pandemia e ades i fascegn vel la onorèr tel dì de la. 

Anché sun Ciaslir de Vich l’é stat programà trei messes, ajache te gejia l’é demò 45 posć: una é stata fata da les 8.30 da doman, una é ades da les 10.30 e la vegn manèda fora ence en direta streaming su la piata Facebook Parrocchia Val di Fassa e una sarà domesdì da les 14.30.

Semper en onor de Sènt’Ugèna vegnarà dit ence la messa insnet da les 18.00 te gejia de Pera.