La Usc di Ladins

En lunesc ai 15 de firé te la senta de Trent del Grop Itas Mutua l’é stat endrezà la conferenza stampa per fèr cognoscer la trei competizions de schi de eles de Copa del Mond en program dai 24 ai 28 de firé su La VolatA sun Sèn Pelegrin.
L’é stat Fabrizio Lorenz, president de Itas, a ge sporjer l benvegnù a Andrea Weiss, president del Comitat de endrez, a Roberto Failoni, assessor provinzièl a l’artejanat, comerz, promozion, sport e turism e a Tiziano Mellarini, president de la Fisi del Trentin, che fèsc pèrt del team esecutif de la manifestazion. Duc à recordà coche, te n moment tant senester per l turism de la mont, la Copa del Mond de Fascia raprejente n rai de soreie che porta gaissa e speranza e desmostra l valor del mond di sport da d’invern.
»Te manco che doi meisc – à dit Andrea Weiss – sion stac bogn de enviar via na machina de endrez bona de ge far front ai besegnes de la Federazion Internazionala, de la produzion e de la televijion. Chest de gra a l’esperienza madurada te vint egn de endrez de garejade de Copa Europa, ma soraldut de gra a le cognoscenze concostade endana i Mondiai Junior.«

De più sun La Usc 07 di 19 de firé