Covid, che veste?

Data

22 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’ultim numer de Eies Vives, l boletin de l’APSP de Fascia, l’é dut segnà da la parola de la pandemia che à straout la strutura e si ghesć
L’é dut segnà da la parola Covid l’ultim numer de Eies Vives, l boletin de l’APSP de Fascia vegnù fora de dezember del 2020.
Covid, percheche l’é stat la parola più sentuda, più durèda, chela che più che dutes à segnà la vita e la persones te Cèsa de Paussa via per l’an passà, ma amò ence ades.
»Na dì la tema l’à smacà te usc. L coraje l’é jit a orir e no l’à troà nesciugn« l’é la frase de Martin Luther King Jr che é stata cernuda per orir chest nef numer. Pecia paroles per contèr dut chel che à caraterisà l’an 2020, amò de più te chesta strutura.
»Fora de n bel nia, tel scomenz de mèrz – scrif la presidenta Barbara Bravi – noscia cèsa, desche la maor pèrt de la strutures sanitères e residenzièles del teritorie nazionèl, l’à cognù serèr i ujes al mond che l’era defora, a chel mond che tant aon envià a vegnir ite, a vegnir a ne cognoscer e a ne troèr. L’é stat na dezijion touta sù con gran fadìa che ne à lascià empascioné. Dut te n colp siane ‘soi’. L’entrèda de la Cèsa de Paussa la é restèda veta, la oujes di parenc, di volontères, de la sociazions che vegnìa a ne troèr, dut te n colp no les era più. No l’é stat sorì ge despieghèr a na generazion che à padì dificoltèdes, situazions senestres, fam e, zachei la vera che l 2020 giusta scomenzà l’era dò che l ne enjignèa a n nef pericol, ma soraldut che l pericol vegnìa dal de fora e che l fossa ruà daìte apontin tras noscia jent canche la vegnìa a ne troèr.«

De più sun La Usc 07 di 19 de firé  (Monica Cigolla)