La Copa del Mond la é ruèda tel vif. N ensomech che é doventà realtà. N event, l maor soraldut a livel mediatich, che auza fora la belezes de l’ambient e la gran profescionalità de na val entrìa che à cherdù da sobito te chesta oportunità. L temp empromet spetacol e l’é duta la condizions per na Copa del Mond da encornijèr per Fascia.
Endrezèr n apuntament coscita te n meis e mez no l’é stat sorì. L Comitat de endrez, vidà dal diretor de l’Apt
View the embedded image gallery online at:
https://www.lausc.it/valedes-ladines/fascia/14953-copa-del-mond-de-schi-de-eles-te-fascia-a-dut-gas#sigProId73b8b0718e
https://www.lausc.it/valedes-ladines/fascia/14953-copa-del-mond-de-schi-de-eles-te-fascia-a-dut-gas#sigProId73b8b0718e
Ades se spera demò che la campiones taliènes se vadagne na bela medaa e sarà l’encoronament del lurier, l’empegn e la gaissa de na val entrìa.
Donca prum apuntament doman da les 11.45 con la libera. Su La VolatA en gara la campiones del mond Corinne Suter e Lara Gut-Behrami la favorites per la copa de crestal de spezialità. Apede a chestes l’é ence Mikaela Shiffrin, Breezy Johnson, Michelle Gisin, Kira Weidle, Ilka Stuhec e Marie Michele Gagnon. E no menciarà la portacolores Marta Bassino e Federica Brignone che pel fèr ben soraldut tel SuperG, Elena Curtoni (otava e miora de la taliènes te la libera a Cortina), Francesca Marsaglia, Laura Pirovano, Roberta Melesi e la ladina de Gherdena Nadia Delago.
Su La Usc stampèda de doman, vender ai 26 de firé, podede lejer na bela intervista al secretèr generèl del Comitat de endrez Cristoforo Debertol.
(Monica Cigolla)