La Usc di Ladins

A la metà del meis de firé l’é stat consegnà l cantier, i lurieres cognessa pontar via apenamai che la firma se arà endrezà per se ciolar ite con la rei de l’eletrich e che la sarà a post con i ultimes contrac.

Se dut va dò soa strada – à confermà tant l’ombolt Valerio Pederiva che la vize ombolta e assessora a le opere publiche Sandra Bussolon – per l’istà che vegn sarà a la leta la neva coa di picioi de Soraga.

L’é n servije che te Fascia vegn spetà da n muie de egn. Se à tacà a n rejonar jà del 2015 e dò che a Soraga l’é stat serà la scola populara l’é doventà n projet concret, sostegnù tant da l’Aministrazion de Comun che da la Scola Ladina. Jà enlouta la sorastanta Mirella Florian aea metù dant la desponibilità de la scola de se cruziar di servijes educatives di bec dai 0 ai 3 egn te na sort de continuità didatica. Ades pian pian chest projet veit la lum. Ence chiò la emergenza sanitara da Covid ge à metù l bech e per ge star dò a le neve desposizion de segureza l’é stat besegn de mudamenc amò ence te chest ultim temp.

De più su La Usc stampèda de vender ai 5 de mèrz 2021.  (Monica Cigolla)