La Usc di Ladins

La costion de incompatibilità anter la encèries de comandant, vize comandant e ispetor di Pompieres e cheles de conseieres, assessores, vize ombolt e ombolt à tocià doi aministrazions te Fascia.

Per chest a Ciampedel David Favè, comandant di studafech, à cognù renunzièr a la encèria de conseier de Comun e a sie post l’é jit ite la pruma di no lité, Federica Davarda.

Ence Alessandro Bernard à cognù dezider per una o l’autra encèria. El tedant ai oblighes del codesc deontologich l’à cernù de restèr vize ombolt e l’à renunzià a la encèria de vize comandant di Studafech, restan purampò tel grop desche volontadif efetif.

A Mazin enveze l'ombolt e comandant dei studafech Fausto Castelnuovo à dit che l cernarà demò dò che l grop di pompieres de sie comun l'arà mudà l Statut per ge jir dò al nef codesc deontologich, che l'é stat criticà da tropes studafech te duta la provinzia.  (mci)