La Usc di Ladins

El l’é n tous da Cianacei che con sie eie digital vel spartir la vita. Lorenzo Dezulian l’à seidesc egn, l’é a metà de sie percors al liceo artistich de Sèn Jan e l volessa doventèr fotograf. Sun sie canai social l spartesc sia vijion soraldut en bianch e fosch de nosc viver: si retrac conta de modernità, del mudament de la jent. 

Lorenzo l’à tout pèrt a la scomenzadiva »Cúcú«, portèda dant dal fotograf Oliviero Toscani. 

Toscani, laurea ad honorem a l’Academia de bela èrts de Brescia, l’é un di miores fotografs taliegn: tropes de si reportage é stac aprijié da la critica, aboncont vèlch un l’é stat ence oget de denunzia.

Su La Usc stampèda de vender ai 23 de oril l ne à contà de sie raport con Oliviero Toscani, coche l'é peà via chesta esperienza e che che l'é per el la fotografia.  (Nicoletta Riz)