Na neva disciplina perveduda te la scoles, educazion zivica e zitadinanza, ge dèsc ai studenc l’obligh ma ence l’oportunità de tor dant costions de la vita sozièla, te noscia comunanza e tel mond olache duc vivon. Te chest chèder i studenc del quarto an del Liceo scientifich de la Scola de Fascia é stac envié a se cruzièr del tem del lurier. L’é nasciù coscì l’idea de l fèr travers la mostra virtuèla dal titol »Work in Progress«. L’inom, con la tendenza oramai cognosciuda de nesc joegn a zeder a la paroles per ingleis, vel sotrissèr che l lurier muda e se renovea dò e dò.
Con gran braura, naturaleza e proprietà de lengaz en jebia ai 15 de oril i studenc se à enterzà per menèr na ventina de vijitatores tel viac virtuèl travers la mostra, endrezèda col didament del tecnich informatich Luigi Riz, che te 4 sales met dant la definizion e la percezion del segnificat de la parola lurier, sia situazion te tempes e les desferenc ence per chel che vèrda deric e oportunitèdes, sia evoluzion e l confront anter passà e prejent, vardan de zeruch ence a noscia comunanza de val.
De più su La Usc stampèda de vender ai 23 de oril. (Lucia Gross)
L lurier, te duc si aspec
I studenc de la 4 LSA à endrezà la mostra »Work in Progress« e i à compagnà i vijitadores te n viac virtuèl n muie enteressant e curious.
Galaria retrac
View the embedded image gallery online at:
https://www.lausc.it/valedes-ladines/fascia/15516-l-lurier-te-duc-si-aspec#sigProId5fb757f973
https://www.lausc.it/valedes-ladines/fascia/15516-l-lurier-te-duc-si-aspec#sigProId5fb757f973