La Pro Loco de Vich ponta sui Borghi

Data

28 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La presidenta Isabella Casari ne à contà mingol de la ativitèdes per chest istà sotrissan la valuta de fèr pèrt de l’organism nazionèl.

Tempes senestres per la sociazions de promozion e svilup del teritorie che, per via del seghitèr de chesta situazion de malsegureza caujèda da l’emergenza sanitèra, les stenta a programèr ativitèdes e scomenzadives per l’istà che vegn.

La Pro Loco de Vich se à sproà a meter jù n calandèr de ativitèdes per la sajon che vegn, aon rejonà con la presidenta Isabella Casari che à uzà fora idees e projec e la dificoltèdes per i meter a jir.
Con la reforma del Terzo Setor – l’à dit  Casari – aon  n gran lurier desche Pro Loco, ge vel aer na iscrizion al Register Unich nazional, ades i sogec turistics l’é le Apt e le Pro Loco, ge vel publicar i contribuc publics sun sie sit o sun chel de la Federazion, dapodò con le Pro Loco se pel arsegurar i volontadives che deida, de chi che ge vel aer l’elenco apede a chel di sozi, l’é semper più adempimenc da far, no l’é dalbon sorì.
Per chel che vèrda la scomenzadives per l’istà la ne à dit che l’idea l’é de tachèr a la fin de jugn con la ‘Net romantica’, na atività che da valch an caraterisea la sociazion di Borghi più bie de la Talia, che era jà stata metuda a jir via Val jai doi egn con bon ejit.

De più su La Usc stampèda de vender ai 23 de oril.  (Cristina Marchetti)