Chi sarèl pa mai stat l prum che se à pissà de raprejentèr l popul ladin sot ai trei colores de noscia natura? Ai 5 de mé del 1920, n bel grop de ladins se à binà sun Jouf de Frea. Dintorn a ic, la neif sgalizenta, l ciel con n brun fon e l vert di pré i fajea da cornisc. I raprejentanc de la cinch valèdes, con chest simbol, i volea sotrissèr l’identità ladina, no respetèda tel tratat de Saint-Germain.
La setemèna de l’Aisciuda Ladina tol semper ite la dì di 5 de mé, festa de la bandiera dai trei colores brun, bianch e vert, che l’an passà à compì 100 egn.
Te chesta ocajion l’Union di Ladins de Fascia à envià via na azion promozionèla, ge dajan l met a duc de se proveder ite a n priesc spezièl la bandiera ladina da poder meter fora ti dis de l’Aisciuda e ence più inant, per ejempie a la fin del meis de mé en ocajion del passaje del »Giro d’Italia« fossa bel veder fora l simbol de noscia jent ladina.
(Nicoletta Riz)
Meton fora noscia bandiera
L'Union di Ladins de Fascia à envià via na azion promozionèla per comprèr la bandiera ladina a n priesc spezièl.
Galaria retrac
View the embedded image gallery online at:
https://www.lausc.it/valedes-ladines/fascia/15625-meton-fora-noscia-bandiera#sigProIdc315aeded9
https://www.lausc.it/valedes-ladines/fascia/15625-meton-fora-noscia-bandiera#sigProIdc315aeded9