Ladin: na pascion, inant che n lurier

Data

16 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Luciana Detomas à fenì chisc dis passé sia encèria ti Servijes linguistics del Comun general. Aon rejonà con ela de sia longia esperienza de empegn per nosc lengaz.

Enstadì Luciana Detomas da Pont à fenì sie lurier te Comun general de Fascia per jir en penscion: con sia encèria profescionèla no se sera sù ampò sie empegn e sia pascion, che la podarà seghitèr a portèr inant tel volontariat, al ben de la cultura ladina ma ence de la Crousc Checena, olache la se dèsc jù da beleche 40 egn. Se aon fat contèr mingol de sia esperienzes.

Can e co él peà via Vosc empegn profescional leà al ladin?

Luciana Detomas Dò n par de egn che aee fenì la scola son jita a lurar te Istitut Ladin. Enlauta no l’era amò patentins ne nia, al concors siane demò de doi, fosc tropes no se fidaa far n lurier olache ge volea scriver per ladin. Son stata ló a lurar dal scomenz a la fin di egn ’80. Al scomenz con Fabio [Chiocchetti, ndr] e Pino da Pera [Bernard, ndr] per l’aministrazion siane amò sa Vich. L’é stat n bel lurar, i era dò che i fajea fora la senta tel tobià a Sèn Jan. Aane ence tout sù la redazion de La Usc di Ladins, che enlauta te Fascia no l’aea amò n gran seghit e sion stac bogn de la tirar belebon a una coi abonamenc. L’era n lurier n muie pionieristich, se podessa dir, perché trop l’era amò da studiar, enrescir fora e se enventar.

Aede dit che tropes no se fidaa scriver per ladin. Vo enveze ben?

Gio te ciasa é semper sentù n gran gust per l ladin, Mie pare [Aldo Detomas da Pont, ndr] l’era te l’Union di Ladins e canche gio ere bezata la senta de l’Union la era te noscia veia majon, vin Col da Pra. Mie pare l me tolea dò ence canche i metea ensema La Veisc o canche de domenia l jia sun Pordoi da Danilo dal Garber, che i era peconc, e i stajea ore a rejonar. L’era egn de gran ferment, fosc più dal pont de veduda politich che linguistich, perché no l’era amò de gregn studies su la gramatica e l lessich. Coscì gio é tacà a aer gust per dut chel che vardaa l ladin, é cognosciù ence Fabio, Claudio de Pavarin e chi che se dajea jù te l’Union e tel Grop Ladin da Moena.

Duta l'intervista a Luciana Detomas su La Usc stampèda de en vender ai 14 de mé del 2021

 (Lucia Gross)