N istà da spas con Marijene

Data

18 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Sociazion de animatores se endreza per la neva ativitèdes e la chier joegn o joenes che volessa doventèr animatores culturèi.

Ence chest an la Sociazion Marijene-Picoi da Mont sarà ti parches de duc i paijes de Fascia con sia ativitèdes de animazion per bec ghesć e del post. La ativitèdes é soraldut leèdes a la cultura, a la tradizions e al teritorie de Fascia, con raides con l compagnador de teritorie a la descorida di lesc encanté de noscia val e de la contìes che rejona de chisc posć.

Dotrei ativitèdes che fajon ti parches l’é: l »jech de l’aucia jigant«, n jech de l’aucia fat con vèlch curiosità su la val de Fascia che aon tout fora dal liber de Alberta Rossi »Misteres, aventures e magica Creatures«, e scrites su tesseres de legn per poder jièr ence ‘dalonc’; la »Ciacia al tesor« sui personajes mitologics de Fascia; l »sachet emprofumà« con i odores de nosc bosch e l »Memory« con la paroles per fascian e per talian, per poder ge ensegnèr ai ghesć mingol de nosc lengaz.

Chisc dis che vegn su la piata Facebook e Instagram de Marijene podarede scutèr noscia intervista fata a RaiNews 24, olache aon contà de noscia Sociazion e de chel che l’é nosc lurier.

Marijene-Picoi da Mont l’é nasciù desche projet del Comun General e dal 2018 l’é doventà na Sociazion con Lisa Brunel desche presidenta. La Sociazion se gestesc enstessa de gra ai contribuc del Comun General e di Comitac Manifestazions di paijes de duta la val, l’é belapontin con ic che Marijene colabora ogne istà per l’animazion ti parches.

Marijene chier joegn e joenes che volessa vegnir con nos e doventèr animator culturèl de Marijene-Picoi da Mont. Chi che à enteress pel manèr na mail a animazionemarijene@gmail.com o chiamèr al numer 348 2716180.

De più su La Usc stampèda de en vender ai 21 de mé del 2021  (SD)