Mesures anti Covid per i ghesć

Data

10 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Conseier provinzièl ladin Luca Guglielmi à domanà cont a l’assessora Segnana.

Te la scontrèda de en mèrtesc ai 8 de jugn l Consei Provinzièl à tout dant l’interogazion di 3 de jugn del Conseier Luca Guglielmi del Grop Fassa.

Guglielmi, vardan a la sajon da d’istà sun usc, à defat sotrissà l besegn de arsegurèr ti lesc de turism la informazions che ge permet ai operatores de lurèr con maor serenità, con na gestion segura e dreta di possiboi caji de positività al Covid-19 che podessa vegnir fora te anter i ghesć.

Enceben che te la situzion di contages sie dò e dò en miorament – à dit l conseier ladin - l tramudament de la jent resta defat n pericol potenzièl, che à da vegnir tegnù sot control a na vida ascorta.

En cont de chest Guglielmi à domanà se l’é vera che i ghesć che aessa sa esser positives i cognessa restèr en isolament te la strutura olache i à tout alberch, ajache chest fossa segur rejon de cruzie e de problemes per i operatores turistics.

Apede chest – à scrit Guglielmi – no l’é da desmentièr ence l fat che en cajo del crescer de contages podessa esser ence maor prescion su la strutures sanitères provinzièles.

A l’interogazion de Guglielmi à responet sobito l’assessora Stefania Segnana, dijan che, aldò de la indicazions dates dal Minister de la Sanità, la gestion de na eventuèla positività che aessa da vegnir fora te anter i ghesć che ruarà chest istà tel Trentin perveit che se no i à sintomes i posse se n jir de retorn a cèsa o, se i vel, jir te la residenza S. Vito de Perjen, che la fèsc funzion de Covid Hotel. Se aboncont i aessa da palesèr simtomes grieves i cognessa vegnir ricoveré te la strutures sanitères provinzièles.

 (LG)