La Usc di Ladins

Cotanta plastica petone demez te na dì? N maraut. E cotanta podassane n sparagnèr? N auter maraut.

Da chisc pensieres l’é nasciù la bela scomenzadiva del grop »Recamon l davegnir«. Na ventina de femenes che se troa de spes sui social e che dai descorsc vegnui fora entornvìa i problemes leé a l’ambient, a l’entesseament e la cura de nosc teritorie se à pissà che fossa stat de utol se oujer a la scoles e fèr maor sensibilisazion sun chisc temes emportanc.

»L’idea la é venuda da Mariangela Weber – ne à contà Cristina Donei, stata ensegnanta te la Scola Ladina de Fascia – che à vedù che ju per la Talia l’é stat metù a jir na scomenzadiva per reziclar la plastica: i ge porta na bocia veta al librèr e en cambie i ciapa n liber. La cultura en cambie de valch che entessea l’ambient. Coscita ence noi se aon pissà de conjobiar la cultura e l’ambient e l’é vegnù fora l’idea de endrezar le ciutre per i scolees. Al post de le boce de plastica che i se tol dò a scola da ades inant i pel durar cheste ciutre de aluminium e i pel didar a presservar l’ambient. 

Ajache noi no aon n budget da poder durar – à amò dit Cristina – se aon out a la Cassa Rurala Dolomites che sobito à sostegnù noscia scomenzadiva. Le ciutre le é state fate de n bel color vert sgalizent, vert desche l color simbol de l’ambient, l’é su la bandiera ladina con te mez n alber stilisà per simbolisar l bosch de noscia val, l logo de la Cassa Rurala Dolomites e de la Scola Ladina de Fascia e la scrita ‘Nos sion plastic free’.

Su La Usc stampèda de vender ai 11 de jugn dut l'articol, con ence l projet sul refudam fat dai scolees de Vich.  (Monica Cigolla)