La é deldut operativa ades la neva senta di Polins de Fascia. Da l’ofize a pe pian te Ciasa de Comun de Moena la é stata tramudèda te strada de Longiarif, te la ex senta de la Crousc Checena de Fascia che à troà lèrga ja La Copara ensema al Socors sa mont.
»Sion jà jic int l’an passà d’istà a na vida provisoria – ne à dit l Comandant di Polins de Fascia Gianluca Ruggiero – ajache i tacava i laores te Ciasa de Comun; i laores daìnt é stac porté a compiment da Nadal e con chesta növa aministrazion de Comun ades i à fenì sù ence duc i intervenc defora. Ades aon a la leta na bela senta növa, n muie efizienta e funzionala.
L Comandant Gianluca Ruggiero à rejonà ence de coche vegn endrezà l lurier e del fat che fossa l met de aer n lurier segur ence per joegn e joenes de Fascia, che ampò stemta a tor pèrt a la selezions.
De più su La Usc stampèda de vender ai 18 de jugn. (Monica Cigolla)
La neva senta di Polins de Fascia, funzionala e efizienta
La strutura te strada de Longiarif, olache l’era ite la Crousc Checena, é stata deldut renovèda con ofizies e spazies adaté.
Galaria retrac
View the embedded image gallery online at:
https://www.lausc.it/valedes-ladines/fascia/16097-la-neva-senta-di-polins-de-fascia-funzionala-e-efizienta#sigProId67159d0f47
https://www.lausc.it/valedes-ladines/fascia/16097-la-neva-senta-di-polins-de-fascia-funzionala-e-efizienta#sigProId67159d0f47
