La Usc di Ladins

Dò l suzess de l’an passà de la mostra scientifica Fake! endrezèda ti meisc de messèl e aost te scola populèra de Vich e che à dombrà passa 1500 vijitadores, enceben la dificoltèdes leèdes a la pandemìa da Covid, rua chest istà 2021 n’autra bela mostra scientifica. Se trata de »Play!«, n alestiment fresch e gustegol su la fisica di jeghes.

Play! l’é na mostra scientifica interativa bona de tor ite gregn e picoi e che compagna a la descorida de jeghes e scempies esperimenc: tofes, ilujions otiches, calamites, strumenc de nosc viver da duc i dis e n muie de auter; n grum de atrazions, en dut passa 80, che vegnarà metudes fora te la aules de la scola populèra. L’inaugurazion ofizièla é en domenia ai 11 de messèl da les 18.00, te chesta ocajion vegn endrezà ence vijites con laboratories.

Per informazions su la mostra e prenotazion per gropes se pel chiamèr Giuliano al 320 4467394, scriver a level.up.trento@gmail.com o vardèr su Instagram su lamostraplay.

De più su La Usc stampèda de vender ai 2 de messèl 2021.