La Usc di Ladins

Sora n pech cognarà vegnir fata sù da nef la cabinovia de Bufaure. Chesta fossa l’ocajion bona per meter mingol de orden al trafich te dut l Comun de Sèn Jan. 

Per arjonjer chest tant l prum pas l’é far n impiant portamont da Pera demez che co na stazion intermedia - olache fenesc la strada erta che va su da Pera e scomenza la Val Jumela - rua enscin sunsom la Pala del Geiger.

L prum toch de 1,8 chilometres da Pera (1350 metres de auteza) a la stazion intermedia sun Jumela (1850 metres) zenza portoes e l secondo toch de 1,3 chilometres da la stazion intermedia sun Jumela a 1850 metres fin sun Pala del Geiger a 2330 metres de auteza, con portoes.

L prum portoi da Pala del Geiger a l’intermedia de Malga Jumela su na streca de 2,6 chilometres, con dislivel de 450 metres e na erta mesana del 17% e l secondo portoi da Pala del Geiger a l’intermedia con na »direttissima« che fajessa i 450 metres de dislivel con na streca de 1,3 chilometres e na erta mesana del 35%.

Dut l'articol con spiegazions e motivazions é da poder lejer su La Usc stampèda de vender ai 9 de messèl.  (Otto Lorenz de Bora)