La Usc di Ladins

Met ensema l pèster fascian che sona l corn, cater cobies de camaric del Grop folk de Cianacei, desnef ciampènes vegnudes fora da la fojina de Dìspruch, n ciamorc che mef l cef, n picol ucel che vegn fora da sia coa doi outes en dì: da duc chisc elemenc vegn fora chel’ora deldut particolèra che fèsc sia bela parbuda sun cèsa Soracreppa tel zenter de Cianacei.

Nasciù da na idea de Mauro Battisti, chest orloi te piaz era stat enaudà de november del 2008, sacotenc bec e jent de ogne età se à usà tel jir di egn a ruèr te piaz tedant Cèsa de Comun de Cianacei, tant da les unesc dadoman che da les cinch da sera. L’ora sona amò ence da les 12:00, ma zenza la pèrt de moviment mecanich. Amò anchecondì tropes se bina te piaz, ge vardan sù a chel cucù che taca via doi menuc dassen piens de maravea. Ampò ades l’à debesegn de vegnir stravardà e per chest l grop ‘Ensema per Cianacei’ se à pissà de fèr na regoeta de scioldi online (co-funding). 

Per chi che volessa tor pèrt, l link l’é: https://gofund.me/ab7fc16f.

Maor informazions su La Usc stampèda de vender ai 16 de messèl.  (Marzia Demarchi)