La Usc di Ladins

L’era dalbon na persona speziala, fratel Elio Croce. Se l’à entenù en mercol ai 21 de messal a la scontrada te sala Simonin Maza a Moena, olache la sociazion ‘Strada Növa’ e l Comun à volù recordar chest miscionarie che, dò aer vent l’ebola e n muie de autre batalie te l’Uganda, l’à cognù zeder al Covid de november del 2020, a l’età de 74 egn. Beleche duc i posćconsentii da le desposizion sanitare era ocupé, en gran part da jent che lo cognoscea e i à responet col cher a l’envit a l recordar.

Na recordanza che vel esser »ativa« - à dit la presidenta de Strada Növa Raffaela Pavei Croce - per viventar te ogneun l’estro de ge jir dò a soe pedie e ne dar n gust de vita neva. 

Dò na curta introduzion su la storia de la sociazion, la presidenta ge à lascià la parola ai volontares che à abù l met e la fortuna de poder lurar con Brother Elio te l’Uganda, olache l miscionarie era dal 1985 e l se cruziaa de duta la logistica del Lacor Hospital, un di maores del paìsc, e de mile autre robe, ma zenza mai se arjumar l temp per ge dir na parola a chi che aea besegn o ge far n grignot o na aicia a n bez malà o pedimentà.

De più su La Usc stampèda de vender ai 30 de messèl.  (Lucia Gross)