L grop ‘Mille Centrini’ de Vich, vidà da Christine Fontana, se dèsc jù da egn te la solidarietà con l’endrez de picoi marcé de lurieres fac a man olache l vadagn vegn donà a favor de desvaliva ativitèdes de benefizenza. Del 2017 per ejempie la soma ruèda ite, apede a chela binèda en ocajion de la festa per i vint egn de la fradaa con la zità todescia de Remseck am Neckar, l’à didà doi families en dificoltà per via del teremot che aea tocià l raion de Norcia, ma l’é stat dat didament te sacotanta autra situazions.
Per chest istà l grop à organisà na scomenzadiva neva che met ensema l gust per l recam e l piajer de fèr vèlch per i etres: tel spazie da fora de Ciasa Marmolada a Vich, se fèsc bon temp, enscin a la fin de aost de mercol e vender da les 3 fin les 6 domesdì se pel recamèr sot la vida de la espertes del grop, che dèsc l materièl per la realisazion e, se serf, ence i prumes ensegnamenc de basa per poder meter en pratega chesta èrt veiora.
N’outa che se à completà l lurier se pel se l comprèr opura ge l lascèr a la sociazion da vener ti picoi marcé che vegnarà endrezé de aost, per sostegnir n’autra azion de benefizenza. (Cri.m)
Didèr i etres col recam
L’é na atività neva e originèla che à metù a jir l grop Mille Centrini de Vich.
Galaria retrac
View the embedded image gallery online at:
https://www.lausc.it/valedes-ladines/fascia/16616-dider-i-etres-col-recam#sigProId661371b379
https://www.lausc.it/valedes-ladines/fascia/16616-dider-i-etres-col-recam#sigProId661371b379