La Usc di Ladins

L’aministrazion de Comun de Soraga à premià doi de si studenc meritegoi. Desche oramai da n trat de temp, ence chest an l Comun à dat fora i stipendium ai studenc che à arjont de bie resultac via per l’an de scola e academich 2019/20. Endèna l’ultima sentèda de Consei, chiamèda ite ai 24 de aost, l’ombolt Valerio Pederiva e la vize ombolta Sandra Bussolon à premià Roberta Pellegrin per la laurea magistrèla en medejina e chirurgia a l’Università di studies de Verona e Ermanno Zulian per la laurea magistrèla en architetura per l nef e l’antich a l’università de Unejia. A chisc doi joegn ge é jit l fort batiman e i complimenc de dut l Consei de Comun.

L Consei à aproà te chesta ocajion ence etres cater ponc a l’orden del dì. 

De più su La Usc stampèda de vender ai 10 de setember.  (mci)