La Usc di Ladins

L é passà n an da la mort del artist Reinhold Cigolla e te chest prum cedean l conseier provinzièl ladin Luca Guglielmi à sodesfat na volontà emportanta e de gran valor del amich, outa al artist e scultor Zerilo dell’Antonio Bora (1876-1971), che del 1946 aea metù su la Scola dèrt de Moena e l l’aea reta fin del 1954 canche la é stata serèda.

Cigolla, arlief de Zerilo Bora, l se aea dat ju per l recognosciment de chel artist e scultor che per el l era stat na ispirazion e che, secondo el, no l era stat valorisà e recognosciù assà ti meric. 

L Consei provinzièl à aproà enstadì na mozion portèda inant apontin dal conseier Guglielmi, che tol ispirazion dal pensier de Cigolla, con chela che la Jonta se empegna a ge intitolèr a Zerilo Bora una de la sales prinzipales del nef liceo artistich de Sèn Jan, ben segur d’acort coi sogec istituzionèi enteressé.

De più su La Usc stampèda de vender ai 17 de setember.  (Cri.m)