La Usc di Ladins

L trafich de chest istà te Fascia à desmostrà amò n’outa che no se pel più banalisèr l problem dijan che l’é demò na costion de dotrei setemènes a l’an. Da chesta conscidrazion la Neva UAL é peèda via dal scomenz del 2021 con n studie de analisa del problem de la mobilità, travers scontrèdes, webinar e documenc de esperc del setor. 

N studie che publicon sun chesta piata travers la tabeles metudes jù aldò di criteries de: tempes de resalisazion; atenzion e stravardament del teritorie; impat ambientèl; numer de persones servides; tempes per corir la val; cosć de realisazion e de gestion.

De più su La Usc stampèda de vender ai 17 de setember.