Se à serà su do trei egn l projet #Fuoricentro

Data

19 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ti teritories touc ite dal projet l é stat prejentà en videoconferenza l kit de la comunanza educanta.

En mercol ai 8 de setember via per l domesdì l é stat prejentà en videoconferenza dal Mart de Rorei e tel medemo temp al Bar Educant de Sèn Jan, a Andalo e te la Valsugana l kit de la comunanza educanta e con chest ultim moment de condivijion se à serà su l projet #Fuoricentro che jia inant da trei egn en ca. 

La scomenzadiva à tout ite trei teritories del Trentin, Valsugana e Tesino, Paganella e apontin noscia val. L é stat trei egn de condivijions e de confront con la realtà de nesc teritories che se à dejout te 37 ativitèdes per i joegn, 4 per i genitores e 7 per i ensegnanc tel chèder de l’inovazion educativa te scola, te 15 momenc per la families educantes e 5 ativitèdes per l teritorie educant, anter chisc te Fascia l Bar Educant. L projet à tout ite presciapech 1200 sentadins e se à arjont n investiment total de beleche mez milion de euro.

Tel domesdì l é stat ence prejentà l placat e la chèrta de la comunanza che educa e l é stat metù a jir  n workshop olache i partezipanc à podù aer n scambie de idees. L é stat dapò n curt intervent da man de la autoritèdes de referiment del projet da ogne teritorie, per Fascia l é intervegnù la conseiera de procura al sozièl del Comun general Mirella Florian.

De più su La Usc stampèda de vender ai 17 de setember.  (Nicoletta Riz)