L Comun general de Fascia l fèsc a saer che per ge sporjer a duc chenc l met de se fèr l vazin, l’Azienda Provinzièla per i Servijes Sanitères l’à endrezà n camper con n dotor.
Chest servije l é avert a duc, zenza besegn de se prenotèr.
L sarà te Fascia te chisc dis e oraries:
en jebia ai 7 de otober da les 9.00 a les 13.00 a Sèn Jan te Piaza de Comun
en jebia ai 7 de otober da les 14.00 a les 16.00 a Ciampedel te Strada Pent de Sera, (caserma studafech)
en mercol ai 13 de otober da les 09.00 a les 16.00 a Moena te Strada Luigi Heilmann
Proprio te chisc dis l é stat dat fora i dac sui vazins che à metù al luster che l numer de encalmé te Fascia l é l più bas de la provinzias. Se no volon cogner ferèr e serèr dut ence chest invern che vegn tolon su chesta ocajion che ne dèsc l met de poder se vazinèr te noscia val.
Tegnon adum per noscia sanità e per noscia economi. Col vazin podon se defener nos enstesc e ence defener i etres. Didon duc adum a venjer la pandemia! (lg)
Rua te Fascia l camper di vazins
L sarà a la leta per duc a Sèn Jan, a Ciampedel e a Moena, zenza besegn de se prenotèr.
Galaria retrac
View the embedded image gallery online at:
https://www.lausc.it/valedes-ladines/fascia/17267-rua-te-fascia-l-camper-di-vazins#sigProId4738bd780a
https://www.lausc.it/valedes-ladines/fascia/17267-rua-te-fascia-l-camper-di-vazins#sigProId4738bd780a