La Usc di Ladins

Chesta l é una de la gran picoles stories che à ite de se duc i valores de la mont.

Duc recordon l event tragich che à tocià Fascia tel meis de jené passà, canche l joen menacrep Etienne Bernard da Ciampedel, 27 egn, l à perdù la vita sun Pordoi sot na levina. 

N event che à lascià n gran vet, pien ampò de amor e de amicizia.

Etienne aea rejonà con Massimo Dorigoni, alpinist e scritor, de la mères di alpinisć, cheles che les i speta a cèsa segur no zenza cruziament. Beleche n presentiment l sie e l volea n scriver.

L é passà i meisc del istà ma i amisc più strenc se à recordà de chest sie pensier out a la mère, coscì i à pissà che podessa esser na Mère spezièla, portadora de chest sie voler, sun n crep del Dent de Saslonch. 

L é nasciù coscì n projet alpinistich che à vedù protagonist ence Renato Bernard, menacrep e père de Etienne, che ensema con Jacopo Bernard, Massimo Dorigoni, Luca Pilati, Lorenzo Battisti, Federica Pincigher, Alessia Zanon e Giuseppe Pino Moser l à dezidù de atrezèr da nef la Via normala del Dent del Saslonch, la soula duta te comun de Ciampedel, pean demez dal refuge Sandro Pertini (2316 m), portan lassù na statua de la Madona.

De più su La Usc stampèda de vender ai 8 de otober.