Ousc da Mont da la Èlpes e dal Apenin

Data

16 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Coro Nosc de Soraga à metù a jir sia seconda rassegna te gejia de Sèn Vile a Moena.

L met de scutèr oujes che cianta con stil e repertorie desferent l é semper bel per i pascioné de cores, e l confront coi etres l é emportant e de utol soraldut per i ciantores enstesc.

Per chest, dò la pruma rassegna endrezèda del 2019, te chela che la situazion sanitèra l à permetù, l Coro Nosc à vardà de meter a jir na seconda edizion de ‘Ousc da Mont’ e per chierir de sporjer maor varietà la formazion da Soraga vidèda dal maester Peter Decrestina l à envià doi cores, l Coro Fiaschi   da le Giudicarie e l cor Le Maestà che vegn dal Apenin de l’Emilia Romagna, anter la provinzies de Parma e Reggio Emilia. 

A averjer l conzert en sabeda ai 9 de otober te la gejia de Sèn Vile a Moena l é stat l cor de cèsa, che à volù scomenzèr con l toch per ladin ‘Bel lengaz’. No se trata en realtà de na ciantia populèra ma de na ciantia de autor, nasciuda ti Grijons da n test del poet romanc Gudench Barblan dal titol ‘Chara Lingua da la Mamma’ metuda en musega dal componist romanc Robert Cantieni e ruèda fin da nos dò esser passèda per la Val Badia, olache l test é stat adatà liberamenter da Lejio Baldissera de Mareo, per vegnir dapò comedà amò tel fascian e la partidura lurèda fora dal maester Stefano Lazzer per l’esecuzion del cor Ousc Ladine da Soraga ite per i egn ’90.

L conzert de sabeda passèda, enceben che portà dant te na gejia, l à metù dant n repertorie dut profan con la soula ecezion de na ciantia da Nadèl (Alla grotta) portèda dant dai ciantores emiliegn. 

Podede lejer dut l articol su La Usc stampèda de vender ai 15 de otober.

(foto de Ennio  Adami)
 (Lucia Gross)