La Museghes de Fascia a Trent per i 70 egn de la Federazion

Data

31 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 24 de otober l é stat la Gran radunanza e defilèda de duta la 76 Museghes de la provinzia de Trent. Gran emozion ence per la Musega Auta Fascia e cheles de Poza, Vich e Moena.

L era da n trat che no se proèa na scì gran emozion, en domenia passèda a Trent l é stat na gran festa ence per la cater Museghes de Fascia che ensema a cheles del Trentin les à defilà fora per la strèdes del zenter de la zità. Se é ponté via dal Muse, strèda de la Libertà e do su fin te piaz Fiera, ite per la strèdes anter boteighes, piaz Italia e ju per via Manci fin te piaza Dante, olache l era la paladina de l’autoritèdes: anter duc l era l president de la Federazion trentina de la Museghes Renzo Braus, l ombolt de Trent Franco Ianeselli, l president de la Provinzia de Trent Maurizio Fugatti, l president del Consei provinzièl Walter Kaswalder e l assessor provinzièl a la cultura Mirko Bisesti.

La Festa per i 70 egn de la Federazion la cognea esser fata jà l an passà, ma se sà ben che per colpa de la situazion sanitèra no se à podù la fèr. Chest an donca la festa la é stata amò maora. L era tedò la voa e la volontà de se meter endò te piaza, de poder endò sonèr te anter la jent e per la jent.

De più su La Usc stampèda de vender ai 29 de otober.  (Valentina Redolfi)