Colores neigher, grisc e moron per palesèr la poura, l cruzie, la mort. L é i chèdres che i studenc de la V LADF à realisà per l event »Vaia: l valor de la renasciuda« endrezà da le Apt de Fascia e Fiem per recordèr chel event aricegol stat la net anter i 29 e i 30 de otober del 2018.
La operes é states metudes fora tel teater de Navalge e en sabeda ai 30 de otober duc chi che à tout pèrt al »Vaia Lab« à podù ge vardèr, i conscidrèr e aprijièr l talent di studenc de la Scola Ladina de Fascia.
»Aon fat chisc dessegnes te na setemèna – à spiegà la studentes Irene Tabanelli e Chiara Scarangella en raprejentanza di studenc – con i ensegnanc Claus Soraperra e Miriam Weber. L é stat na full immersion te la natura per ruèr a raprejentèr su na teila chel che aon proà en chela net de acà trei egn. Aon volù viver endodanef la medema emozions e per chest vèlch dessegn é stat fat a scur per se conzentrèr sui sentimenc che aon proà.«
De più su La Usc stampèda de vender ai 5 de november.
(Monica Cigolla)
