La Usc di Ladins

Fascia e agonism sportif. N leam fort che an do an se renova con maor gaissa. Do chest troi va l projet »Piste Azzurre« che met a la leta ot portoes sun duta la val per l arcedament di atlec de la Nazionèla. 

En sabeda ai 30 de otober a la Fiera Skipass de Modena, a la prejenza di maores dirijenc de la FISI, la Federazion Talièna de Sport da d’Invern, l é stat renovà l contrat de colaborazion con Fascia che arà regnèda per etres 5 egn, fin del 2026, an de la Olimpiades da d’invern Milan Cortina.

A la prejentazion del projet à tout pèrt l president FISI Flavio Roda, l vize Angelo Dalpez, l president FISI Trentin Tiziano Mellarini, la presidenta del Consorzie impianc portamont Fascia Ciareja Elisa Maccagni e l ex diretor de l’Apt de Fascia Andrea Weiss che aea envià via chesta colaborazion.

De più su La Usc stampèda de vender ai 5 de november.  (MCI)