La Usc di Ladins

L troi ferà Bepi Zach l é stat endodanef argoment de discuscion del ultim Consei de Comun de Moena chiamà ite en streaming, per via di lurieres te ciasa de Comun, en mercol ai 3 de november. Te chesta sentèda l é stat let ju la resposta scrita a la interpelanza prejentèda ai 20 de setember dal grop de mendranza ‘Jent per Moena – Repear da nöf’ per domanèr schiarimenc en cont ai lurieres per meter en segureza l troi che à envià via n gran efet mediatich. Descheche se sà sul troi l é stat fat n gran intervent con plinti de peton che à soscedà gran polemiches per via del impat ambiental, lurieres che, per cont del grop de mendranza, aessa cognù vegnir lascé su amò de aost do che l é vegnù fora la desvaliva toutes de posizions.

L ombolt Alberto Kostner à dit che duta la fasa projetuèla é stata concordèda con n geologh e con n enjegner da l’aministrazion da inant e che l era la soula possibilità per tegnir avert l troi ferà e chel che passa sotite. "Tel mes de aost i laores no podea vegnir lascé su – l é stat scrit te la resposta – percheche i era jà rué a compiment, ades mencia demò la sostituzion di cordign e di ciodi che vegnarà fata da la SAT l istà che vegn."

De più su La Usc stampèda de v ender ai 12 de november.  (Monica Cigolla)