I momenc de agregazion per la sociazions de volontariat é n muie emportanc per fèr grop e renforzèr i leames. L an passà, per via de la pandemia, no l é stat l met de endrezèr chesta ocajions. Chest an enveze la situazion sanitèra l permet e per chest n muie de sociazions à endò metù en calandèr sia festes.
En sabeda ai 6 de november la Musega de Moena à endrezà la cena per Sènta Zezilia al hotel Cavalletto, e l president Luca Senettin à recordà l’emportanza de poder se troar endò duc ensema te na sociazion che l é desche na familia che tol ite na carantina de sonadores, na dejina de vivandiere e tosac e 14 arlieves che tacarà a jir ite per chest invern e da n an l à desche nef maester Roberto Silvagni.
Endèna la cena ge é stat ence sport l rengraziament ai bandisć che à arjont n travert toron de servije.
Podede lejer de più su La Usc stampèda de vender ai 12 de november. (Monica Cigolla)
Develpai ai sonadores
La Banda de Moena à endrezà la cena per Sènta Zezilia con la premiazion di bandisć che à arjont n travert toron de servije. Dino Perut, con 40 egn de volontariat, l é doventà sozio onorarie.
Galaria retrac
View the embedded image gallery online at:
https://www.lausc.it/valedes-ladines/fascia/17738-develpai-ai-sonadores#sigProIdb827d41b0d
https://www.lausc.it/valedes-ladines/fascia/17738-develpai-ai-sonadores#sigProIdb827d41b0d