Mauro Crepaz nef Comandant di Studafech

Data

14 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L grop da Soraga à lità l nef diretif. Chest’aisciuda l é stat metù su n nef grop che se cruzia di intervents te l’èga e n grop de operatores SAF.

Novitèdes a cef di Studafech de Soraga. Ai 25 de otober l é stat chiamà ite la radunanza per l renovo del diretif che jia fora dò 5 egn. Al scomenz l Comandant Christian Pellegrin à fat a saer che l se tira fora per rejons personèles, l à rengrazià duc i studafech e l diretif per la desponibilità e la colaborazion desmostrèda te chisc 5 egn passé e l à proponet desche suzessor l vize Comandant Mauro Crepaz desche segn de continuità.

L Ispetor del Distret de Fascia Alessandro Pellegrin à rengrazià Christian Pellegrin per sie prezious servije te chisc egn e per la bona colaborazion con i etres gropes de la val. Mauro Crepaz l é stat lità Comandant, Stefano Pederiva vize, Devi Brunel secretèr, Gledis Crepaz é stata confermèda cassiera e Sebastian Pederiva é stat metù magasinier. Pollam Diego l é stat nominà capoploton e Luca Tomasello e Matteo Zanon caposquadra.

De più su La Usc stampèda de vender ai 12 de november.  (Monica Cigolla)