La Usc di Ladins

Tel temp de Avent l é tradizion enjignèr la corona de dasces con cater ciandeiles che simbolisea la cater setemènes belapontin de Avent. 

Per se enjignèr a chest temp del an l’Union di Ladins, ensema al Comun general de Fascia, à pissà de endrezèr n laboratorie creatif per fèr la corona de Avent. En vender ai 26 de november da les 4 domesdì se se troa te la veia scoles de Penia. Teresa de la Lis dal Vera mosciarà co enjignèr de bela corones con la cater ciandeiles e dut chel che ge stèsc miec dintornvia per les fornir. Sarà ence musega e letradura da Nadèl e zeche da bon per se passèr n domesdì en compagnia e legreza. Vegnarà moscià ence l nef tutorial »Saeres« su la corones de Avent. 

Per se scriver ite ge vel chiamèr la vizepresidenta de l’Union di Ladins Nicoletta Riz al numer de telefon 340 7765522. L cost é de 10 euro che serf per comprèr ite l material. La corones de Avent se pel se les portèr a cèsa. Per tor pèrt ge vel aer la zertificazion verda.   (MCI)