La Usc di Ladins

N grop de joegn che à gaissa de se dèr ju e de se spener per sie davegnir con responsabilità. Coscita i é stac prejenté i joegn dintorn al desch de la sala de consei de Comun de Sèn Jan, i componenc del diretif de la Neva UAL, che en sabeda ai 20 de november à chiamà ite la radunanza. A la prejenza de na trentina de jent e autres tenc coleé en streaming sui canai social, l grop à prejentà l’atività portèda inant te chest ultim an do la litazions.

Dantfora i à fat a saer de aer cernù doi neva fegures de Sorastant: Cristina Donei e Mirella Florian, che se à metù a la leta per vidèr l diretif te sie percors. Tant Cristina che Mirella, chesta ultima coleèda en streaming, se à dit stolzes de esser apede a chest grop de persones che à jà arjont de bie resultac te la sociazion ma ence tel Consei del Comun general de Fascia e tel Consei de procura. Apede a la doi Sorastantes tel diretif l é i doi referenc Andrea Zanoner e Amedeo Valentini, l canzelist Francesco Gabrielli, la cassiera Martina Pederiva e i doi conseieres Damiano Bernard e Matteo Gross, ruà ite da pech.

De più su La Usc stampèda de vender ai 26 de november.  (Monica Cigolla)