La Usc di Ladins

Se speta amò la ultima confermes del Goern col nef provediment Covid del Consei di Ministres de chesta setemèna ma endèna i impianc portamont pel se envièr via. La linees vida é states aproèdes dal Comitat tecnich scientifich e coscita ence la regoles per la neva sajon da d’invern. Control a campion del green pass sui impianc, obligh de couribocia, 80% de prejenza sui impianc seré, anter chisc ence la sentadoes corides, olache l é de obligh la zertificazion verda, e 100% sui etres. 

Nesciuna limitazion de jent se l comprenjorie da schi l é te zona biencia o śala. Tel cajo de zona pomaranc o checena enveze la Regions ge à domanà al Goern che i portoes reste averc con na limitazion de jent e su la vendita di skipass aldò de criteries pervalives per regions, provinzies o raions, concordé con la Aziendes Sanitaries competentes per teritories. Sarà da veder coche se metarà la situazion tel Sudtirol e dachelanvia per duc i impianc ciolé ite tel Selaronda.

Endèna la sozietèdes à lurà de pien per se endrezèr per chesta neva sajon do n an che les à cognù restèr cetes. Coi 4 de dezember aur duc i impianc te Fascia con de bela novitèdes.
Neves rua en particolèr dal raion de Bufaure, che ponta via con l’inaugurazion de n nef portoi brun e l »campo scuola« per bec.

De più su La Usc stampèda de vender ai 26 de november.  (Monica Cigolla)