Gran ejit per i vazins ence te Fascia

Data

30 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do l suzes del "open day" endrezà a Sèn Jan ai 27 de november, dai 4 ai 8 de dezember sarà ence te val la "maratona" al Distret sanitèr con prenotazion per 2^ e 3^ dosa e ence zenza prenotazion per la pruma dosa.
La azion »open day« metuda a jir en sabeda ai 27 de november à abù gran bon ejit te duta la provinzia e ence a Sèn Jan. L é stat gran sodesfazion per chi che se à dat ju per endrezèr l dì di vazins ence te Fascia, tel veder che a despet di dubies de Trent ence te noscia val la jent à responet al apel con na adejion sorafora la previjions, defat demò chel dì, de gra a la desponibilità del personal sanitèr e di volontadives, l é stat fat 406 vazins, e de chisc ben 133 de pruma dosa.

Ades la Provinzia de Trent à endrezà na gran azion per encalmèr: na »maratona« de 5 dis a do a do dai 4 ai 8 de dezember averc da les 6 da doman enscin mesanet te 18 zentres de vazins del Trentin, e anter chisc ence Fascia, aló dal distret sanitèr de Sèn Jan. Se pel jà se prenotèr sul CUP online de la APSS per fèr la seconda o la terza dosa e chi che cogn fèr la pruma dosa (averta per i joegn dai 12 egn en su) i pel se prejentèr ence zenza prenotazion.