La Usc di Ladins

L’aministrazion de Comun de Soraga à envià via l prozediment de varianta al Pian regolator general. L ultima gran varianta é de acà 15 egn, da enlouta l é stat fat intervenc mendres, ma no l é più stat tout te man. Ades l é ora de l agiornèr, de l adatèr a la ultima normativa provinzièla en materia de urbanistica e de l armonisèr al Pian de la Mobilità del Comun General de Fascia.

A la metà de dezember l’aministrazion de Comun à publicà sun sie sito internet l document preliminèr olache vegn metù dant i obietives che la enten arjonjer e l iter per ruèr a l’adozion definitiva. Per sie adeguament ge é stat dat su l’encèria a l’architeta Francesca Volpetti che la ge starà do a duc i vèresc aldò de la normativa.

Enstadì l’aministrazion de Comun à chiamà ite si sentadins te La Gran Ciasa per i meter en consaputa sul iter per portèr a compiment la varianta. »Sarà n percors lonch – à dit l ombolt Valerio Pederiva – da far ben tel temp che l dora.«

De più su La Usc stampèda de vender ai 21 de jené.